Роҳхат барои коромӯзӣ
Душанбе, 7 июн. (АМИТ «Ховар»,Зарина Саидова).—Дар вилояти Суғд раёсатҳо ва шӯъбаҳои Агентии давлатии ҳифзи иҷтимоӣ, шуғли аҳолӣ ва муҳоҷирати шаҳру ноҳияҳо бо дастгирии мақомоти иҷроияи ҳокимияти давлатии маҳаллӣ 150 нафар шаҳрвандеро, ки дар ҷустуҷӯи кор душворӣ мекашиданд , аз тариқи квота бо кор таъмин намудаанд.Аз ҷумла 4 нафар маъюб, 44 нафар сарбози аз сафи Қувваҳои Мусаллаҳи Ҷумҳурии Тоҷикистон, дигар сохторҳои ҳарбӣ ва хизмати ҳарбӣ озод шуда, 17 нафар волидоне, ки бештар аз 5 кӯдаки ноболиғ доранд, 29 нафар шаҳрванди то синни 18-сола ва ҷавононе, ки баъди хатми муассисаҳои таълимӣ тибқи роҳхати мақомоти давлатии шуғли аҳолӣ ба кор фиристонида шудаанд, бо ҷойҳои корӣ таъмин шуданд. Дар ин давра аз ҳисоби шаҳрвандони бекори дар қайдбуда, тавассути Корхонаи воҳиди давлатии «Маркази таълимии шаҳри Хуҷанд» ва филиалҳои муассисаи давлатии «Маркази таълимии калонсолони Тоҷикистон» дар шаҳру ноҳияҳои Конибодом, Ғафуров, Мастчоҳ, Панҷакент, Истаравшан, Исфара ба 1603 нафар муроҷиаткунанда барои касбомӯзӣ аз рӯйи 20 ихтисоси ба талаботи бозори меҳнат мувофиқ роҳхат дода шуд, ки аз онҳо 941 нафар курси касбомӯзиро хатм намуда, 823 нафар бо ҷойи кор таъмин шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






