Роҳи Айнӣ — Панҷакент – сарҳади Ӯзбекистон эҳё мешавад

Июнь 6, 2012 15:57

Душанбе, 6 июн. (АМИТ «Ховар», Покиза Маҳмадбекова). – Муовини аввали Вазири молияи ҶТ Ҷамолиддин Нуралиев бо ҳайати Бонки осиёии рушд бо сардории мутахассиси бахши нақлиёти Раёсати Осиёи Марказию Ғарбӣ Тзенг Ву масъалаҳои беҳдошт ва эҳёи роҳи Айнӣ — Панҷакент — сарҳади Ҷумҳурии Ӯзбекистонро муҳокима намуданд.Тавре ки аз Вазорати молияи кишвар ба АМИТ «Ховар» хабар доданд, ҷонибҳо ба масъалаи аз нигоҳи техникию иқтисодӣ асоснок намудани тарҳрезии ин роҳи мошингардро мавриди муҳокима қарор доданд. Лоиҳаи мазкур бояд дар муддати кӯтоҳтарин амалӣ гардад. Ин лоиҳа қариб 113 километри роҳи зикршуда, аз ҷумла таҷдиди заҳбуру кӯпрукҳо, ҳамчунин насби пояҳои сими барқ то бунгоҳи назоратии «Дӯстӣ» воқеъ дар сарҳади Ӯзбекистонро фаро мегирад. Ҷонибҳо бахши молиявии лоиҳаро муҳокима намуда, зарурати маблағгузорӣ аз ҷониби Созмони кишварҳои содиркунандаи нафт, ҳамчунин хароҷоти марбут ба қисман кӯчонидани аҳолӣ дар ҷараёни сохтмони роҳро хотирнишон сохтанд.Ҷамолиддин Нуралиев таваҷҷӯҳи иштирокдорони мулоқотро ба сари вақт ва хушсифат таҳия намудани санади зарурӣ ҷиҳати татбиқи лоиҳаи мазкур ҷалб намуд. Дар хотимаи мулоқот ҷонибҳо иброз доштанд, ки бояд лоиҳаи мазкур ба манзури муваффақона роҳандозӣ шудани он такмил дода шавад.

Июнь 6, 2012 15:57

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд