Сӯҳбати гузоришгари махсуси СММ бо журналистон
Душанбе, 1 июн. (АМИТ «Ховар», Пайрав Назаров). – 31 май дар шаҳри Душанбе гузоришгари махсуси Созмони Милали Муттаҳид аз рӯи масъалаи ҳуқуқҳои инсон ба таъмини меъёрҳои тансиҳатии ҷисмонию руҳӣ Ананд Гровер бо намояндагони васоити ахбори омма аз рӯи натиҷаи сафараш ба Тоҷикистон сӯҳбат орост.Гузоришгари махсуси СММ дар ҳошияи сафараш, ки аз 24 май то 1 июн идома дошт, бо намояндагони вазорату идораҳои дахлдори кишвар мулоқот анҷом дода, ҳамчунин аз як қатор муассисаҳои низоми тандурустии шаҳрҳои Душанбе, Хуҷанд ва Кӯлоб дидор намуд. Ананд Гровер таассуроташро баён карда, ба Ҳукумати Ҷумҳурии Тоҷикистон барои даъват шуданаш ба ҷумҳурӣ ва фароҳам овардани имконияти муваффақона анҷом додани вазифааш изҳори сипос кард. Гузоришгари махсуси СММ саъю кӯшишҳои Ҳукумати Тоҷикистонро бобати таҳким бахшидани заминаи қонунгузорӣ ва афзун намудани хароҷот барои маблағгузории бахши тандурустӣ ба таври мусбат арзёбӣ намуда, диққатро ба бархе масъалаҳои марбут ба хизматрасонии соҳаи тандурустӣ ба аҳолӣ ва истифодаи усулҳои пешқадами ташхису муолиҷа ҷалб намуд. Ананд Гровер дуюмин гузоришгари махсуси Созмони Милали Муттаҳид мебошад, ки бо даъвати Ҳукумати ҷумҳурӣ ба Тоҷикистон омадааст.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
