С.Девонаев мукофот гирифт
Душанбе, 14 июн. (АМИТ «Ховар», Лутфия Эшонқулова). – Ба ифтихори ҷашни 20 – солагии ташкили Хадамоти федералии муҳоҷирати Федератсияи Русия дар шаҳри Троитски вилояти Маскав ҷаласаи ёздаҳуми Шӯрои роҳбарони мақомоти муҳоҷирати давлатҳои аъзои ИДМ ба кораш шурӯъ намуд. Директори Хадамоти федералии муҳоҷирати Русия Константин Ромодановский аз номи Хадамоти федералӣ сардори Хадамоти муҳоҷирати назди Ҳукумати Ҷумҳурии Тоҷикистон Сафиалло Девонаев ва муовини Вазири корҳои дохилии Ҷумҳурии Тоҷикистон Шералӣ Сабзовро бо нишонҳои ҷашнӣ мукофотонид. Сардори Раёсати робитаҳои байналмилалии Хадамоти муҳоҷирати Ҷумҳурии Тоҷикистон Мансур Орифов аз номи директори Хадамоти федералии муҳоҷирати Федератсияи Русия сазовори ташаккурнома гардид. Тавре ки аз Намояндагии Хадамоти муҳоҷирати назди Ҳукумати ҶТ дар ФР ба АМИТ «Ховар» хабар доданд, ҷаласаи пагоҳирӯзии шӯро таҳти раёсати директори Хадамоти федералии муҳоҷирати Русия К.Ромодановский сурат гирифта, сипас ҷаласа таҳти раёсати сардори Хадамоти муҳоҷирати назди Ҳукумати Ҷумҳурии Тоҷикистон С.Девонаев давом кард.Иштирокдорони ҷаласа таҷрибаи фаъолияти Хадамоти федералии муҳоҷирати Русия бобати додани иҷозатномаҳои фаъолияти меҳнатӣ, ҳамчунин ҷараёни таҳияи созишномаҳои дуҷониба ҷиҳати татбиқи принсипу механизмҳои умумии ҷалби муҳоҷирон ба фаъолияти меҳнатӣ дар давлатҳои аъзои Иттиҳоди Давлатҳои Мустақилро мавриди муҳокима қарор доданд. Ҷаласа корашро давом медиҳад.








Имрӯз дар Тоҷикистон ҳавои тағйиёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






