С. Раҷабов: «Буҷетро мақсаднок истифода намоед!»
Душанбе, 25 июн.(АМИТ «Ховар», Марзия Саидова).-Новобаста аз таъсири омилҳои берунӣ ҳаҷми маҷмўи маҳсулоти дохилӣ дар кишвар дар панҷ моҳи соли равон беш аз 10 миллиард сомониро ташкил дод, ки он нисбати соли гузашта беш аз 1 миллиард сомонӣ зиёд аст. Матлаби мазкурро Сафаралӣ Раҷабов — раиси Кумитаи иқтисод ва молияи палатаи поёнии парлумони ҷумҳурӣ дар ҷараёни муҳокимаи парлумонӣ иброз дошт. Дар муҳокимаи парлумонӣ, ки роҳбарону намояндагони вазорату идораҳои марбутаи кишвар ҳузур доштанд, иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2012» матраҳ гардид. Зикр шуд, ки дар ин давра ҳаҷми истеҳсоли маҳсулоти саноатӣ, кишоварзӣ, гардиши моли чакана ва хизматрасониҳои пулакӣ нисбат ба ҳамин давраи соли 2011 афзоиш ёфтаанд. Чораҳои андешидашудаи вазорату идораҳои марбута имконият дод, ки ба буҷети мамлакат беш аз 3 миллиард сомонӣ маблағ ворид гардида, иҷрои нақша ба андозаи 103,0 % таъмин карда шавад. Сафаралӣ Раҷабов ҳамзамон доир ба камбудӣ ва ҳолатҳои ғайримақсаднок истифода намудани маблағҳои буҷетӣ аз тарафи бархе аз роҳбарони корхонаву ташкилот ва шаҳру ноҳияҳо сўҳбат карда, аз роҳбарони вазорату идораҳо, мақомоти марбута ва шахсони масъул тақозо кард, ки баҳри аз байн бурдани камбудиҳои ҷойдошта тадбирҳои мушаххас ва муассир андешанд, то барои таъмини иҷрои пурраи Буҷети давлатии соли равон заминаи боэътимод муҳайё гардад.10.07.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






