Самараи амалиёти «Кӯкнор – 2012»
Душанбе, 11 июн. (АМИТ «Ховар», Лутфия Эшонқулова ). – Чанде пеш кормандони Раёсати Агентии назорати маводи нашъаовари назди Президенти ҶТ дар доираи амалиёти «Кӯкнор – 2012» дар вилояти Суғд кӯшиши аз кишвар баровардани маводи нашъаовар ҷилавгирӣ намуданд. Қочоқчӣ ният дошт, ки ҳудуди вилоятро барои ба кишварҳои ИДМ бурдани маводи нашъаовар истифода намояд.Тавре ки аз Агентии назорати маводи нашъаовар ба АМИТ «Ховар» хабар доданд, кормандони агентӣ дар ҳудуди шаҳри Хуҷанд сокини 36 – солаи шаҳри Кӯлоби вилояти Хатлонро дастгир карданд. Аз хонаи ин шахс ду бастаи селофанӣ пайдо гардид, ки дар онҳо беш аз 3 килограмм афюн ҷо карда шуда буд. Кормандони Раёсати Агентии назорати маводи нашъаовар ҳамзамон дар шаҳри Истаравшан амалиёти фаврӣ гузаронида, бар асари он қариб 1 килограмм героин ва 11 килограмм каннабисро мусодира намуданд. Вазни умумии маводи нашъаовари мусодирашуда беш аз 14 килограммро ташкил медиҳад.Аз рӯи ин ходисаҳо парвандаи ҷиной кушода, тафтишот идома дорад.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
