Сармоягузорӣ дар иншооти энергетикӣ

Душанбе, 7 июн. (АМИТ «Ховар», Лаззат Диловарзод).- Азхудкунии сармоягузориҳоро дар сохтмон ва таҷдиди нерӯгоҳҳои барқи обӣ дар моҳҳои январ-апрели соли 2012 дар Вазорати энергетика ва саноат шарҳ дода, ба мухбири АМИТ «Ховар» иттилоъ доданд, ки дар сохтмони нерӯгоҳи барқи обии Сангтӯда-1 аз сармояи асосӣ 0,2 млн. сомонӣ истифода шудааст, ки сохтмони он дар арафаи анҷомёбист. Дар нерӯгоҳи барқи обии Роғун дар давоми чор моҳ беш аз 225 млн. сомонӣ истифода шудааст ва нисбат ба ҳамин давраи соли 2011 ба андозаи 25,9 млн. сомонӣ кам аст.Дар моҳҳои январ-апрели соли 2012 Муассисаи давлатии «Маркази идораи лоиҳаҳои бахши электроэнергетика» сармоягузории асосиро ба барқарорсозию сохтмони хатҳои интиқоли барқ ва сохтмони нерӯгоҳҳои хурди барқи обӣ ба миқдори 20 млн. сомонӣ равона кардааст.