Системаҳои нави равшанидиҳӣ дар мактабҳои пойтахт

Душанбе, 29 июн. (АМИТ «Ховар», Людмила Дубинина). – Дар ду мактаби миёнаи таҳсилоти умумии шаҳри Душанбе ба ҷойи системаҳои кӯҳнашудаи равшанидиҳӣ асбобҳои нави танвирӣ насб шудаанд. Мувофиқи суханони коршиноси Ҷамъияти ҳифзи табиати Норвегия Леонид Фирсов, барои гузоштани асбобҳои нави равшанидиҳӣ дар синфҳо ва равшан намудани тахтаи синф чароғҳои хушсифати Филипс (Philips) мавриди истифода қарор гирифтанд. Чароғҳои нав на фақат ба стандартҳои муосири сифати равшанӣ барои муассисаҳои мактабӣ мувофиқат мекунанд, балки нерӯи барқро нисбат ба чароғҳои пештараи мактабҳои ҷумҳурӣ низ ду баробар камтар истифода менамоянд. Дар ин бора аз созмони экологии «Замини хурд» ба АМИТ «Ховар» хабар доданд.