Сохтмони бинои маъмурӣ оғоз ёфт
Ғарм, 9 июн. (АМИТ «Ховар», Мирзосафар Ризвонов).- Дар маркази ноҳияи Рашт- шаҳраки Ғарм сохтмони бинои замонавии 4-ошёнаи маъмурӣ бо маблағи 4,5 миллион сомонӣ оғоз ёфт.Сохтмон бо маблағгузории мудирияти сохтмонии иншооти ҳукуматии дастгоҳи Президенти ҷумҳурӣ пешниҳод шуда, бунёди онро сохтмончиёни ҶДММ «Ҷамил ЛТД», сарвараш Аъзам Салимов ба ӯҳда доранд. Дар айни ҳол зиёда аз 170 ҳазор сомонӣ корҳои бетонию сохтмонӣ иҷро шудаанд,- гуфт зимни сӯҳбат мудири шӯъбаи сохтмонии асосии назди мақомоти иҷроияи ҳокимияти давлатии ноҳияи Рашт Назридин Мирзоев. Ҳоло сохтмони бинои маъмурӣ идома дошта, мувофиқи нақша то охири сол сохтмон ба итмом мерасад.