Сохтмони нақби «Шар – шар» идома дорад

Душанбе, 8 июн. (АМИТ «Ховар», Кристина Эрлих). – Кор дар қитъаҳои осебдидаи ҳудуди нақби «Шар – шар» идома дорад. Корҳои асосиро Корпоратсияи сохтмони роҳи оҳани Чин, ки пудратчии асосии лоиҳа мебошад, иҷро менамояд. Корпоратсияи мазкур розӣ шудааст, ки нуқсонҳои роҳи мошингарди сӯи нақбро бо маблағи худ бартараф намояд. Дар ин бора аз Сарраёсати хоҷагии роҳи Вазорати нақлиёти ҶТ ба АМИТ «Ховар» хабар доданд.Мувофиқи суханони манбаъ, дар баъзе қитъаҳои роҳи мошингарди сӯи нақб тарқишҳо ба амал омада, бар асари он ҳаракати нақлиёти автомобилӣ мураккаб гардидааст. Хотирнишон месозем, ки татбиқи лоиҳаи сохтмони нақби нақлиёти автомобилии «Шар – шар» соли 2006 оғоз ёфта ва соли 2009 номи «Озодӣ» — ро ба худ гирифт. Масофаи умумии нақб беш аз 2 километрро ташкил медиҳад.