Суръатбахшии сохтмони роҳи оҳан

Душанбе, 20 июн. (АМИТ «Ховар», Лаззат Диловарзод).- Сохтмони роҳи оҳани Ваҳдат- Ёвон масофаи байни шаҳрҳои Душанбе- Қӯрғонтеппаро чор маротиба кӯтоҳ сохта ва аз нигоҳи иқтисодӣ ба кишвар миллионҳо сомонӣ маблағ фоида меорад,-иброз доштанд дар Корхонаи воҳиди давлатӣ (КВД)-и «Роҳи оҳани Тоҷикистон» ба мухбири АМИТ «Ховар». Ба иттилои манбаъ, сохтмони роҳи оҳани Душанбе — Қӯрғонтеппа қисме аз лоиҳаи байналмилалии сохтмони роҳи оҳани Эрон-Афғонистон-Тоҷикистон- Қирғизистон-Чин маҳсуб меёбад.Дар доираи ин лоиҳа сохтмони 18 кӯпруки хурду калон ва як нақб ба дарозии 2 ҳазору 340 метр пешбинӣ шудааст.То имрӯз зиёда аз 30 адад иншооти хурд бунёд ва 5 км роҳи оҳан васл карда шудааст.