Суруд ба забони англисӣ танинандоз шуд
Хоруғ, 12 июн. (АМИТ «Ховар», Л.Додо ). – Дар толори Кохи ҷавонон консерти ғайримуқаррарӣ баргузор гардида, дар он ҷавонон ба забони англисӣ суруд гуфтанд. Ин маҳфили мусиқӣ бо ибтикор ва дастгирии «Гӯшаи Амрико» баргузор гардида, ғолибони он дар консерти умумӣ, ки дар шаҳри Душанбе доир хоҳад шуд, ширкат менамоянд.Яке аз шартҳои асосии озмун он аст, ки ҳар як овозхон бояд таронаи амрикоиро бо мусиқии ғарбӣ хонад. Дар озмун ба тарзи талаффуз, матни суруд ва навои оҳанг аҳамияти ҷиддӣ дода мешавад. Ба гуфтаи роҳбари бахши равобит бо ҷомеаи Сафорати Амрико дар Тоҷикистон Никола Бай, ҳоло дар шаш минтақаи Тоҷикистон гӯшаи Амрико фаъолият дошта ва чунин маҳфилҳо дар ҳамаи онҳо роҳбандозӣ мешаванд.