Таҷлили иди кӯдакон дар Кӯлоб
Кӯлоб, 1 июн. (АМИТ «Ховар», Ф.Мадаминов). – Бахшида ба Рӯзи умуҷаҳонии ҳифзи кӯдакон имрӯз дар ҳамаи муассисаҳои томактабӣ ва таҳсилоти ҳамагонии шаҳру навоҳии минтақаи Кӯлоб мутобиқи нақшаи ҳукумати шаҳр ва шӯъбаи маориф чорабиниҳои идона барои кӯдакон доир мегарданд. Чорабиниҳо таҳти унвони «Кӯдакон- ояндаи мо» мегузаранд. Дар доираи чорабиниҳо викторинаҳои шавқовар, шеърхонӣ дар васфи ватан доир мешаванд.Ба ғолибон тӯҳфаҳои ҳукумати шаҳр ва шӯъбаи маориф тақдим мегарданд.