Таҷлили Рӯзи кӯдакон дар пойтахт

Июнь 1, 2012 16:16

Душанбе, 1 июн. АМИТ «Ховар», Фирӯза Давлатова).- Имрӯз дар «Боғи кӯдакон»-и Маркази кӯдакон ва наврасони шаҳри Душанбе бо ташаббуси мақомоти иҷроияи маҳаллии ҳокимияти давлатии шаҳри Душанбе чорабинии идона бахшида ба «Рӯзи байналмилалии ҳифзи кӯдакон» баргузор гардид. Дар чорабинӣ аъзои маҳфилҳои марказҳои эҷодии кӯдакон ва наврасони шаҳри Душанбе ва ноҳияҳои пойтахт, тарбиятгирандагони мактаб-интернатҳои шаҳр, хонандагони муассисаҳои таълимӣ, падару модарон ва омӯзгорон, дар маҷмӯъ ҳудуди 5000 нафар иштирок карданд.Дар «Боғи кӯдакон»-и пойтахт, ки ба таври идона оро ёфта буд, маҳсули ҳунару эҷод ва дастовардҳои кӯдакону наврасон ба намоиш гузошта шуд. Ҳамчунин дар доираи ин чорабинӣ консерти идона баргузор гардида, хатнасури 26 нафар кӯдак аз оилаҳои камбизоат гузаронида шуд.Дар рафти чорабинӣ бозиҳои шавқовар ва озмунҳои маърифативу бозиҳои варзишии кӯдакона, ба монанди расмкашӣ дар рӯйи мумфарш, шоҳмотбозӣ, саволу ҷавоб дар мавзӯъҳои экология ва қоидаҳои ҳаракат дар роҳ, бозиҳои теннис ва гӯштигириро баргузор намуданд.Дар ҷамъбаст ба иштирокчиён ва ғолибони озмуну викторинаҳо аз ҷониби ташкилкунандагони чорабинӣ ва Агентии назорати маводи нашъаовари назди Президенти Ҷумҳурии Тоҷикистон, Институти ҷомеаи кушодаи «Бунёди Сорос», Хазинаи кӯдакони СММ, меҳмонхонаи «Hyatt Regency» тӯҳфаҳои хотиравӣ тақдим гардид.

Июнь 1, 2012 16:16

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд