Тахтасангҳои кошинкорӣ тавлид мешаванд
Душанбе, 12 июн. (АМИТ «Ховар», Кристина Эрлих). – Тавре ки аз Вазорати энергетика ва саноати ҶТ ба АМИТ «Ховар» хабар доданд, дар шаҳри Чкалови вилояти Суғд корхонаи нави тавлиди тахтасангҳои кошинкорӣ бунёд мегардад. Мувофиқи суханони манбаъ, алҳол дар корхона таҷҳизоти технологӣ насб карда мешавад. Иқтидори солонаи корхона 10 ҳазор метри мураббаъ тахтаҳои кошинкориро ташкил медиҳад.«Дар вилояти Суғд сохтмони боз ду корхонаи тавлиди масолеҳи сохтмонӣ анҷом меёбад», — зикр намуданд дар Вазорати энергетика ва саноати ҶТ.