Танзими ҷашну маросим ба фоидаи мардум аст
Душанбе, 8 июн. (АМИТ «Ховар», Дилшодаи Хайруллоҳ).- Аз қабули қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон ” 5 сол сипарӣ гардид.Ба ин муносибат дар Кумитаи корҳои дин ҷамъомад доир гардид, ки дар он кормандони раёсати танзими анъана ва ҷашну маросимҳои Кумитаи мазкур иштирок намуданд. Дар ҷамъомад раиси Кумита Абдураҳим Холиқов ба кормандони раёсат барои фаъолияти пурсамар дар роҳи татбиқи қонун изҳори сипос намуд. Бояд зикр намуд, ки қонуни “Дар бораи танзими анъана ва ҷашну маросимҳо дар Ҷумҳурии Тоҷикистон ” 8 июни соли 2007- ум баъд аз мулоқот бо фаъолони ҷомеаи мамлакат ба тариқи муҳокимаи васеъ қабул гардид. Дар ин панҷ сол танҳо аз баргузории 5 маъракаи асосӣ: азодорӣ, тӯйҳои домодию арусӣ, маросими 40, сол ва хатнасур тақрибан 8 млрд. сомонӣ ба манфиати мардум сарфа гардид. Баъд аз қабули ин қонун ва тарзи ба роҳ мондани он таваҷҷӯҳи аксар кишварҳои минтақа, аз ҷумла Озарбойҷон, Қирғизистон , Қазоқистон , Ӯзбекистон, Ҷумҳурии Исломии Афғонистон ба ин масъала зиёд гардид. Дар ҳоли ҳозир Раёсати танзими анъана ва ҷашну маросимҳо дар тобеияти Кумитаи корҳои дини назди Ҳукумати Ҷумҳурии Тоҷикистон фаъолият дошта, раёсати онро Азизулло Мирзоев ба ӯҳда дорад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
