Тарбияи ватанпарастии ҷавонон дар қисмҳои ҳарбӣ

Душанбе, 20 июн. (АМИТ «Ховар», Дилшодаи Хайруллоҳ).- Бахшида ба 15-солагии Ваҳдати миллӣ 19 июни соли равон дар қисми ҳарбии 17651-и Қушунҳои зудамали Вазорати мудофиа ва санаи 20 июн дар қисми ҳарбии 6593-и дидбонгоҳи Сарраёсати иҷрои ҷазои ҷиноятии Вазорати адлия таҳти унвони «Дарёфти роҳҳои намунавии тарбияи ватанпарастии ҷавонон дар қисмҳои ҳарбӣ мақомотҳои кудратӣ» семинар-машварат баргузор гардид.  Дар ҷараёни онҳо масъалаҳои марбут ба тарбияи ватандӯстии ҷавонон, нақши насли ҷавони ҷомеа дар таҳкими Ваҳдати миллӣ ва ғамхориҳои Ҳукумати кишвар дар самти татбиқи сиёсати давлатии ҷавонон мавриди муҳокимаву баррасӣ қарор гирифтанд. Мудири бахши ватанпарастӣ ва кор бо толибилмони Кумитаи ҷавонон, варзиш ва сайёҳӣ Иброҳим Мирзоев иттилоъ дод, ки баргузории чунин чорабиниҳо дар дигар қисмҳои низомии мақомоти қудратии мамдакат идома хоҳанд ёфт.