Ташаббуси шаффофияти истихроҷи канданиҳои фоиданок

Душанбе, 1 июн. (АМИТ «Ховар», Бекназари Абӯбакр). — Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов 31 май дар якҷоягӣ бо роҳбари rотиботи байналмилалии «Ташаббус оид ба шаффофияти соҳаи истихроҷи канданиҳои фоиданок» (ТШСКФ) Йонас Моберг моҳияти татбиқи ТШСКФ дар Ҷумҳурии Тоҷикистонро мавриди баррасӣ қарор доданд.Зимни мулоқот Д. Саидов баён намуд, ки соҳаи истихроҷ ва коркарди канданиҳои фоиданок аз лиҳози иқтидору захираҳои мавҷудаи худ баъд аз соҳаи афзалиятноки гидроэнегетика мақоми муҳимро ишғол менамояд, ки метавонад дар рушди иқтисодиёти мамлакат саҳми бузург гузорад. «Ин соҳа барои иқтисодиёти мо хеле муҳим аст, зеро имкониятҳои он афзунанд ва аз ҷониби Ҳукумати Ҷумҳурии Тоҷикистон ва бевосита кумита тадбирҳои зарурӣ ҷиҳати рушди соҳаи мазкур андешида мешаванд».- зикр намуд Д. Саидов.