Театри ҷавонон — иштирокчии ду фестивал
Душанбе, 5 июн. (АМИТ «Ховар», Людмила Дубинина). – Ҳунарпешагони Театри ҷавонони Тоҷикистон ба номи М.Воҳидов рӯзи якшанбеи гузашта аз сафари хориҷӣ ба ватан баргаштанд. Онҳо охири моҳи май дар Эрону Қирғизистон дар ду фестивали байналмилалӣ иштирок намуданд.Ҳунарпешагони театр аз 24 то 27 май дар фестивали «Муқовимат» — и шаҳри Ободони Эрон яке аз спектаклҳои беҳтарини худро намоиш доданд. Спектаклро коргарони театр Нозим Меликов аз рӯи намоишномаи нависандаи Беларус Алексей Дударев «Сарбозони қаторӣ» ба саҳна гузоштааст. Дар Фестивали сеюми байналмилалии театрӣ, ки аз 28 то 30 май дар шаҳри Бишкек баргузор гардид, спектакли «Шабе дур аз Ватан» ба матни ашъори шоири намоёни тоҷик Бозор Собир намоиш дода шуд. Ҳар ду спектакл ҳам дар Эрон ва ҳам дар шаҳри Бишкек мақбули тамошобинони сершумор гардиданд. Ба қавли яке аз аъзои ҳакам, Театри ҷавонони Тоҷикистон яке аз театрҳои беҳтарин дар фестивалҳо ба шумор мерафт. Тавре ки директори театр Саид Абдуллоев хабар дод, дастаи ҳунарӣ барои иштироки фаъолонааш дар ин фестивалҳо бо дипломҳо қадр карда шуд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
