Тоҷикистон дар тасвири ҷавонон
Душанбе, 25 июн. (АМИТ «Ховар», Дилшодаи Хайруллоҳ).- Бо ташаббусу ибтикори Кумитаи ҷавонон, варзиш ва сайёҳӣ бо мақсади дастгирӣ ва дарёфти истеъдодҳои ҷавон дар доираи Нақшаи чорабиниҳои бахшида ба «Ҳафтаи ҷавонон» ва 15-умин солгарди Рӯзи Ваҳдати миллӣ озмуни ҷумҳуриявӣ миёни мусаввирон ҷавон зери унвони «Тоҷикистон аз нигоҳи ҷавонон» ва намоишгоҳи мусаввирон таҳти унвони «Ватан дар рангҳо» дар Маркази ҷумҳуриявии фарҳангии ҷавонон «Ориёно» баргузор гардид, ки дар он 21 нафар хонандагону донишҷӯён ва ҷавондухтарон аз макотиби миёнаву олӣ ва аз маркази омӯзиши касбии пойтахт мусаввараҳои худро барои иштирок дар озмун ва намоишгоҳи мазкур пешниҳод намуданд. Ҳайати комиссия, ки бо ташаббуси Кумитаи ҷавонон, варзиш ва сайёҳӣ аз ҳисоби устодони ботаҷриба аз Донишкадаи санъат, Колеҷи рассомӣ ва Донишгоҳи техникӣ созмон дода шуда буд, ба корҳои ба озмун пешниҳодгардида баҳогузорӣ намуданд. Дар маҷмӯъ чорабине, ки дар он 20 нафар ширкат намуданд, бо натиҷагирии зайл анҷомид: Хақдодова Санавбар дастпарвари Донишкадаи санъати Тоҷикиситон сазовори ҷойи аввал, Элназаров Алишер ва Розиқов Ҷаъфар аз Колечи рассомӣ ва Донишкадаи санъат сазовори ҷойи дуввум ва Собиров Ғуфрон ва Мирзоев Азиз ҷойи саввумро соҳиб гардиданд.Ғолибон нимаи аввали рӯзи 25 юни соли равон дар маҷлисгоҳи дастгоҳи марказии Кумитаи чавонон, варзиш ва сайёҳӣ бо диплому ва тӯҳфаҳо қадрдонӣ гардиданд. Ҳамчунин 8 нафар иштирокчии беҳтарин, ки дар намоишгоҳ ва озмун ширкати фаъол доштанд, сипоснома ва тӯҳфаҳои хотиравии таъсисдодагони чорабиниро сазовор гардиданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






