ВКД барои ёфтани қотилони Х.Сафаров мукофот таъин кард

Душанбе, 14 июн. (АМИТ «Ховар», Лутфия Эшонқулова). – Ҳамаи онҳое, ки ба тафтиши куштори директори Муассисаи давлатии хоҷагии ҷангал ва шикори Кумитаи ҳифзи муҳити зисти назди Ҳукумати Ҷумҳурии Тоҷикистон Холмӯъмин Сафаров мадад мекунанд, бо мукофоти пулӣ қадр карда мешаванд.Дар ин бора сомонаи расмии ВКД ҷумҳурӣ хабар медиҳад. Хотирнишон месозем, ки Х.Сафаров бо истифода аз таппончаи Макаров кушта шуд. Марҳум аз сар, сари сина ва шикамаш ҷароҳат бардошта, дар маҳалли воқеа ҳалок гардид.Шахсони номаълуме, ки Х.Сафаровро ҳадафи худ қарор дода буданд, аз маҳалли ҷиноят ғайб заданд.Алҳол бо фармони Вазири корҳои дохилӣ Рамазон Раҳимов гурӯҳи тафтишоти фаврӣ ташкил ёфта ва тафтиши ҷиноят таҳти назорати қатъӣ гирифта шудааст.