Вохӯрии Эмомалӣ Раҳмон бо Фан Ҷсян
Душангбе, 2 июн. (АМИТ «Ховар»). — Нимаи дуюми рӯз Президенти Тоҷикистон Эмомалӣ Раҳмон дар шаҳри Сямэн ҳайати ширкати мошинсозии Шанхай (SAIC) ва Раиси Шӯрои директорони ширкати Синоҳайдро Фан Ҷсянро ба ҳузур пазируфт. Дар вохӯрӣ бо ҳайати ширкати SAIC имконоти ба роҳ мондани ҳамкорӣ дар соҳаи мошинсозӣ ва истеҳсоли қисмҳои эҳтиётии мошину тракторҳо баррасӣ шуд. Хотиррасон бояд намуд, ки SAIC бузургтарин ширкати давлатии мошинсозии Ҷумҳурии Мардумии Чин буда, аз соли 2009 ба ин сӯй дар миёни 10 ширкати бузургтарини мошинсозии ҷаҳон мақоми намоён дорад. Ин ширкат, ки бо машҳуртарин ширкатҳои мошинсозии ҷаҳон беш аз 50 корхонаи муштарак дорад, дар соли 2010 3,6 миллион ва соли 2011 4 миллион мошин тавлид намудааст. Маҳсулоти асосии ин ширкат мошинҳои гуногуни сабукраву боркаш, автобусу минибас ва трактору мошинолоти кишоварзӣ мебошад. Ҳарду ҷониб ба бунёди як корхонаи муштараки истеҳсоли намудҳои мухталифи автомобилҳо дар Тоҷикистон изҳори ҳавасмандӣ намуданд. Зимни суҳбат бо Раиси Шӯрои директорони ширкати Синоҳайдро Фан Ҷсян масоили ба роҳ мондани ҳамкорӣ дар соҳаи энергетика, аз ҷумла таҷдиду бунёди нерӯгоҳҳои барқӣ баррасӣ шуд. Хотиррасон бояд намуд, ки Синоҳайдро аз бузургтарин ширкатҳои чинӣ дар ин соҳа буда, аз солҳои 50-уми асри гузашта ба ин сӯй беш аз 70% иншооти гидроэнерготехникии ин кишвар аз ҷониби он бунёд ёфтааст.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Имрӯз бори нахуст Рӯзи ҷаҳонии футбол таҷлил мегардад
Имрӯз дар баъзе ноҳияиҳои алоҳидаи Тоҷикистон борони бошиддат дар назар аст
Дар ноҳияи Исмоили Сомонии пойтахт Рӯзи ҷавонон бо шаҳомати хосса таҷлил карда шуд
Ба ифтихори Рӯзи ҷавонон дар шаҳри Роғун бо иштироки зиёда аз 2500 нафар роҳпаймоӣ доир гардид
Дар Душанбе нишасти матбуотии Сафири Ҷумҳурии Исломии Эрон дар Тоҷикистон баргузор гардид
СИГНАХИ. Шаҳри муҳаббат ва маконе дар Гурҷистон, ки дар он ҳамеша сулҳ пойдор будааст
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар ноҳияи Синои пойтахт даври ноҳиявии озмуни ҷумҳуриявӣ баргузор шуд
Имрӯз дар баъзе ноҳияҳои Тоҷикистон борони бошиддат меборад
ҶАВОНОН-НЕРУИ СОЗАНДАИ ТОҶИКИСТОН. Дар ноҳияи Фархор Рӯзи ҷавононро таҷлил намуданд
«СОЗАНДАГОНИ ВАТАН». Дар Душанбе ҳамоиши ҷумҳуриявии ҷавонон баргузор гардид
РӮЗИ ҶАВОНОНИ ТОҶИКИСТОН. Дар майдони Парчами давлатӣ дар шаҳри Гулистон барномаи идона доир шуд
СОЛИ МАЪРИФАТИ ҲУҚУҚӢ. Дар ноҳияҳои Шаҳритус ва Носири Хусрав доир ба баланд бардоштани сатҳи маърифати ҳуқуқии аҳолӣ вохӯрӣ баргузор гардид
