Зайд Саидов: «Соҳибкории ватаниро рушд медиҳем»
Душанбе, 14 июн. (АМИТ «Ховар», Покиза Маҳмадбекова). — Таърихи ташаккули рушди соҳибкорӣ дар Тоҷикистон пеш аз ҳама, таърихи истодагарӣ ва рӯҳияи зиндаи инсонҳои соҳибкорест, ки тамоми ҳастии худро ба кори созандагию эҷод бахшидаанд. Вале ин зарфияти бузурги соҳибкории кишвар ба сабаби парокандагӣ асосан ба таври пурсамар истифода намешавад. Аз ин рӯ, муттаҳид намудани зарфиятҳо ва талошҳои иттиҳодияҳои соҳибкорӣ ва ташкилотҳои ҷамъиятӣ аз самтҳои стратегии рушди соҳибкорӣ ва демократисозии ҷомеа буда, дастёбӣ ба он ҳадафи меҳварии фаъолияти Шӯрои ҳамҳангсозии ассотсиатсияҳои соҳибкорон ва иттиҳодияҳои ҷамъиятии Тоҷикистон (ШҲАСИҶТ) мебошад. Имрӯз зимни нишасти матбуотӣ Раиси ШҲАСИ ҶТ Зайд Саидов ба соҳибкорони ватанӣ ва намояндагони ташкилотҳои ҷамъиятии кишвар муроҷиат намуда, бо як ҳисси боварӣ иброз дошт, ки дар атрофи ШҲАСИҶТ муттаҳид шаванд, мавқеи ягона ва созандаи бизнеси Тоҷикистонро ташаккул диҳанд. «Мо боварӣ дорем, ки ҳар як соҳибкор дар фаъолияти ин ташкилот манфиатҳои миллӣ, шаҳрвандӣ, тиҷоратӣ ва шахсии худро меёбад», — иброз дошт ӯ. Ҳачунин афзуд, ки мақсади асосии мо муайян намудани самтҳои асосии рушди соҳибкории ватанӣ, саҳмгузории соҳибкорон дар рушди кишвар ва таъмини зиндагии беҳтари мардуми Тоҷикистон барои расидан ба ҳадафҳои миллӣ ва солим гардонидани фазои сармоягузорӣ ва ҷалби сармоягузории мустақими хориҷию дохилист.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






