Зиндагиро орзу ширин намуд
Душанбе, 23 июн. (АМИТ «Ховар», Мавҷуда Анварӣ). – Имрӯз аз соати 19:30 то 21:30 дар майдони назди Театри опера ва балети ба номи С. Айнии шаҳри Душанбе таҳти шиори «Зиндагиро орзу ширин намуд» фестивал бахшида ба Рӯзи байналмилалии мубориза бо маводи нашъадор гузаронида мешавад. Мақсади асосии чорабинии мазкур ҷалб намудани диққати ҷавонон ба масъалаҳои маводи нашъадор ва оқибатҳои фоҷиаовари он мебошад. Ташкилкунандагони фестивал бо роҳи гузаронидани чунин чорабинӣ ҷаҳонбинии зиддимухаддиротиро дар мафкураи ҷавонон ташаккул дода, онҳоро барои даст кашидан аз истеъмоли маводи мухаддир ва психотропӣ ҳавасманд гардонида, диққати онҳоро ба ҳаёти тарзи солим ҷалб менамоянд. Дар назди ҷамъомадагон варзишгарони номӣ дар бораи зарар ва оқибатҳои фоҷиабори маводи нашъадор сухан гуфта, ҳунармандони шинохта ва ситораҳои эстрада, аз ҷумла Зикруллоҳ Ҳакимов, Ҷонибек Муродов, Меҳрнигор, инчунин гурӯҳи рэпсароёни пойтахт бо суруду мусиқии дилнавоз баромад менамоянд. Ташкилкунандагони ин аксия Агентии назорати маводи нашъаовари назди Президенти Ҷумҳурии Тоҷикистон дар якҷоягӣ бо Ҳукумати шаҳри Душанбе бо дастгирии Дафтари САҲА дар Тоҷикистон мебошанд.
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
