Ҷаласаи комиссияи муштарак

Душанбе, 24 июл. (АМИТ «Ховар», Дилшодаи Хайруллоҳ).- Имрӯз дар шаҳри Душанбе ҷаласаи чоруми Комиссияи муштараки байниҳукуматии Тоҷикистону Туркманистон оид ба ҳамкориҳои тиҷоративу иқтисодӣ ва илмию техникӣ ба кори худ шурӯъ намуд. Қисми тоҷикистонии комиссияи мазкурро вазири энергетика ва саноати ҶТ Гул Шералӣ ва ҷониби Туркманистонро вазири молияи Туркманистон Д. Содиқов роҳбарӣ мекунанд. Дар ҷаласа масъалаҳои ҳамкориҳои тиҷоративу иқтисодӣ, ҳамкориҳо дар соҳаҳои энергетика ва саноат, кишоварзӣ, нақлиётиву коммуникатсионӣ, гуманитариву тандурустӣ мавриди баррасӣ қарор хоҳанд гирифт.Дар назар дошта шудааст, ки ҷаласа пагоҳ кори худро идома диҳад.