Ҷамъбаст: натиҷаҳо хурсандибахшанд

Хуҷанд, 25 июл. (АМИТ «Ховар», Самад Юсуфӣ).-Дирӯз нишасти матбуотии ректори Донишгоҳи давлатии ҳуқуқ, бизнес ва сиёсати Тоҷикистон бо намояндагони воситаи ахбори омма баргузор гардид.  Дар нишаст ректори донишгоҳ зикр намуд, ки дастаи SIFE-и донишгоҳ дар озмуни навбатии ҷумҳуриявии SIFE дар байни намояндагони шаш мактаби олии касбии Тоҷикистон маротибаи панҷум унвони чемпиони ҷумҳуриро соҳиб гашта, ҳуқуқи иштирок дар мусобиқоти байналхалқӣ дар шаҳри Вашингтони ИМА-ро дарёфт намуд. Баъди гузориши ректори донишгоҳ Ҷамшед Ҷӯрабоев байни ӯ ва хабарнигорон муколамаи хеле ҷолиб сурат гирифт. Нишасти матбуотӣ дар Донишгоҳи давлатии ҳуқуқ, бизнес ва сиёсати Тоҷикистон бо намояндагони воситаҳои ахбори умум пурманфиат ҷараён гирифт. Дар ин бора ба мухбири АМИТ “Ховар” раиси Созмони ҷавонони Донишгоҳи давлатии ҳуқуқ, бизнес ва сиёсати Тоҷикистон Маъруфҷон Ҳасанов хабар дод.