Ҷарима барои моли бесифат

Кӯлоб, 20 июл. (АМИТ «Ховар», Сулаймон Холов).-Кормандони Раёсати стандартизатсия, метрология, сертификатсия ва нозироти савдои минтақаи Кӯлоб фаъолияти 380 корхонаю ташкилот, муассиса ва соҳибкоронро мавриди санҷиш қарор доданд, ки дар натиҷа 217 гурӯҳ бе сертификати мутобиқат ва 23 гурӯҳ бо маҳсулоти ғайристандартӣ ба қайд гирифта шуда, қонуншиканон аз тарафи кормандони раёсат ҷаримабандӣ гардидаанд. Аз тарафи шӯъбаи ташхиси маҳсулоти хӯрокворӣ 300 кг орд, 130 кг макарон, 7,6 кг чой, 13 дал нӯшокии ғайриспиртӣ, 22000 кг намак, 50 кг маҳсулоти қаннодӣ, 11 кг маҳсулоти ширӣ ғайристандартӣ дониста шуда, 10 амрномаи манъи фӯруши маҳсулот дода шуд.