Ҷавобгарӣ барои риоя нашудани танзим

Ваҳдат, 25 июл. (АМИТ «Ховар», Зебо Давлатова). – Тавре ки мудири бахши танзими расму оинҳои ноҳияи Ваҳдат Тоҷиддин Лолаев ба хабарнигори АМИТ «Ховар» иттилоъ дод, дар шаш моҳи соли ҷорӣ дар ноҳия аз ҷониби шаҳрвандон 3585 ҷашну маърака ба қайд гирифта шудааст. Бояд гуфт, ки дар ин маъракаҳо 620 сар чорвои калон ва 1549 сар чорвои хурд забҳ шудааст. Маблағи умумии хароҷот дар ҳамин давра 11 миллиону 283 ҳазору 271 сомониро ташкил медиҳад, ки ба ҳар маърака 3147 сомонӣ рост меояд. Тоҷиддин Лолаев афзуд, ки 5 нафар шаҳрванд қонуншиканӣ карда, ба ҷавобгарӣ кашида шуданд.