2 июл — Рӯзи байналмилалии хабарнигори варзишӣ
Душанбе. 2 июл. (АМИТ «Ховар»). — Имрӯз хабарнигорони риштаи варзиши Тоҷикистон дар радифи ҳамкасбони хеш аз тамоми сайёра Рӯзи байналмилалии хабарнигори риштаи варзишро таҷлил менамоянд. Нарзулло Латифов, раиси Ассотсиатсияи журналистони риштаи варзиши Тоҷикистон ба АМИТ «Ховар» иттилоъ дод, ки шурӯъ аз соли 1995 бо ташаббуси Ассотсиатсияи байналмилалии матбуоти варзишӣ 2-юми июл ҳамчун Рӯзи байналмилалии хабарнигори варзишӣ таҷлил мешавад. Ассотсиатсияи журналистони риштаи варзиши Тоҷикистон (АЖРВТ) ба узвияти Ассотсиатсияи байналмилалии матбуоти варзишӣ пазируфта шудааст. Ин тасмим дар Конгресси 74-уми Ассотсиатсияи байналмилалии матбуоти варзишӣ (АИПС), ки аз 22-юм то 27-уми марти соли 2011-ум дар шаҳри Сеули Кореяи Ҷанубӣ барпо гардид, гирифта шуд. Мавриди ёдоварист, ки АЖРВТ 25-уми январи соли 2001-ум дар шаҳри Душанбе конфронси муассисон таъсис ёфтааст. Ҳадафи аслии АЖРВТ рушди журналистикаи варзишӣ, тарғиби тарбияи ҷисмонӣ, варзиш ва тарзи ҳаёти солим мебошад.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
