280 ҳолати фавқулодда дар 6 моҳ
Душанбе, 4 июл. (АМИТ «Ховар». Лутфия Эшонкулова).- Дар нимсолаи аввали соли равон дар шаҳру ноҳияҳои кишвар 280 ҳолати фавқулоддаи хусусияти табиидошта ба қайд гирифта шуд, ки ба ин ғаркшавӣ низ дохил мешавад.
Тавре ба АМИТ «Ховар» сардори маркази матбуоти Кумитаи ҳолатҳои фавқулодда ва мудофиаи граждании назди Ҳукумати ҶТ Ориф Нозимов хабар дод, шумораи умумии ғарқшудагон дар нимсолаи аввал ба 40 нафар мерасад. Дар ҳамин давраи соли сипаригашта бошад шумораи умумии ғарқшудагон ба 66 нафар расида буд. Новобаста аз он ки шумораи ғарқшавӣ нисбат ба соли сипаригашта камтар ба қайд гирифта шуда бошад ҳам, вале ин ҳолат ҳамоно ташвишовар аст. «Дар ҳамин ҳол бори дигар муроҷиатномаи Кумитаи ҳолатҳои фавқулодда ва мудофиаи граждании назди Ҳукумати ҶТ-ро ба сокинон, шаҳрвандон ва меҳмонони кишвар мерасонем. Кумитаи мазкур дар мавсими шиноварӣ дар дарёҳо, обанборҳо, каналҳо ва ҳавзҳо, ки ба таҳдиди эҳтимоли ғарқшавии шаҳрвандон оварда мерасонад, аз ҳамагон эҳтиёткориро талаб менамояд, ки эҳтиёткорона рафтор ва муносибат кунанд», — тазаккур дод О. Нозимов. Вай афзуд, ки маҳз дар натиҷаи риоя накардани қоидаҳои бехатарӣ ҳангоми шиноварӣ дар дарёҳо ва кўлҳо соли сипаригашта дар кишвар 118 шаҳрванд ва дар нимсолаи аввали соли равон 40 нафар шаҳрвандон ҳалок гардидаанд.Бинобар ин, барои дучор нагардидани чунин ҳодисаҳо ҳангоми шиноварӣ дар дарёҳо, кӯлҳо қоидаҳои бехатариро риоя намоед ва аз шиноварӣ дар ҷойҳои манъшуда ва дарёҳои тезҷараёндор худдорӣ кунед.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






