490 –ум истгоҳи иртиботи бесими «МегаФон» дар Хатлон
Душанбе, 4 июл. (АМИТ «Ховар»). — Истгоҳҳои иртиботии бесими ҷадид, ки технологияи насли дуввум ва сеюмро таҳти пушиш қарор медиҳад, имконияти афзоиши зарфияти шабакаро фароҳам карда ва минтақаи пўшишро тавсеаи мебахшад. Дар натиҷа мардуми минтақаи Хатлон имкон пайдо карданд, то аз интернети мобилӣ бо суръати миёнаи 1Мбит/с истифода баранд. Тӯли як моҳи охир дар вилояти Хатлон даҳ истгоҳҳои иртиботии бесим дар ҷамоати Фрунзеи ноҳияи Румӣ, дар участкаҳои Хилолӣ, Меҳнатобод ва Ҷомии ноҳияи Хуросон, ҳамчунин дар деҳаи Янгиободи ноҳияи Ҷиликул, дар деҳаҳои А. Муродов ва Ш. Саъдиеви ноҳияи Шаҳритус, дар ноҳияи Фархор ва дар шаҳри Қурғонтеппа дар кўчаи Айни 39 мавриди баҳрабардори қарор гирифт. Гуфтанист, дар ҳоли ҳзир шабакаи «МегаФон» бештарин миқёси Хатлонро фаро гирифта интернети босуръат ба тамоми ноҳияҳои минтақа дастрас мебошад. Рушди шабака дар минтақаҳои деҳнишин, яке аз нақшаҳои муҳими ширкат ба ҳисоб меравад.Дар баробари сохтмони истгоҳҳои иртиботии бесим ва беҳтар кардани сифати иртибот, ширкат имкониятҳои хизматрасониашро низ, бо ифтитоҳи марказҳои фурӯш ва хизматрасонӣ дар саросари вилоят босуръат тавсеа медиҳад. То охири сол, боз панҷ толори «МегаФон» барои мардуми Хатлон мавриди баҳрабардорӣ қарор хоҳад гирифт.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






