Афзоиши фурӯши молҳои озуқаворӣ дар соли 2012

Июль 31, 2012 15:13

Душанбе, 31 июл . (АМИТ «Ховар». Фирӯза Давлатова).- Дар Ҷумҳурии Тоҷикистсон ташкилотҳои савдои чаканаи ҳамаи моликият ва шахсони воқеӣ ба аҳолии ҷумҳурӣ ба маблағи 4338,3 млн. сомонӣ мол фурӯхтаанд, ки нисбат ба моҳҳои январ- июни соли 2011 18,6 фоиз зиёд мебошад. Таносуби молҳои озуқаворӣ дар ҳаҷми умумии гардиши молҳо 48,8 фоиз ё 2117,1 млн. сомонӣ ва молҳои ғайриозуқаӣ 51,2 фоиз ё 2221,2 млн. сомониро ташкил додааст, иттилоъ доданд аз Агентии омори назди Президенти ҶТ. Дар моҳҳои январ-июни соли 2012 ҳаҷми умумиии гардиш дар моли чакана ба ҳисоби миёна ба як нафар сокини ҷумҳурӣ 553,5 сомонӣ, ҳаҷми хизмати пулакӣ 4107,6 млн. сомонӣ ва корхонаю ташкилотҳои расмии ба қайд гирифташуда ба маблағи 1883,1 млн. сомонӣ хизмат расонидаанд, ки 45,8 фоизи ҳаҷми умумии хизматрасониро ташкил медиҳад. Ҳамчунин қайд кардан ба маврид аст, ки дар ҳаҷми умумии фурӯши молҳои озуқаворӣ гӯшт ва маҳсулоти гӯштӣ (20,6 фоиз), қанду шакар ва маҳсулоти қаннодӣ (9,3 фоиз), орду нон (6,6 фоиз), сабзавот (4,1 фоиз), равғани растанӣ (4,5 фоиз), автомобилҳо ва қисмҳои эҳтиёти онҳо (11,6 фоиз), маводи бинокорӣ (10,7 фоиз), пойафзол (5,4 фоиз), молҳои телевизору радио (3 фоиз) рост меояд.

Июль 31, 2012 15:13

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд