Афзоиши корхонаҳои саноатӣ
Душанбе, 5 июн. (АМИТ «Ховар», Лаззат Диловарзод).- Ба иттилои дастгоҳи раиси вилояти Хатлон, дар давоми 20 соли истиқлолият шумораи корхонаҳои саноатии ин вилоят ба 289 адад расидааст, дар ҳоле ки дар соли 1991 дар вилоят ҳамагӣ 75 корхонаи саноатӣ вуҷуд дошт. То соли 2000-ум боз 53 корхонаи дигари саноатӣ бунёд гардид. Дар давоми 20 сол корхонаҳои саноатӣ 4 маротиба афзоиш ёфтааст, ки он аз натиҷаи сиёсати хирадмандонаи роҳбари давлат гувоҳӣ медиҳад. Танҳо соли 2011 ҳаҷми истеҳсоли маҳсулоти саноатӣ дар ин вилоят ба 3 млрд.119 млн. сомонӣ расонида шуд, ки ин нишондиҳанда 42 фоизи ҳаҷми умумии истеҳсоли маҳсулоти саноатии кишварро ташкил дод. Дар 5 моҳи аввали соли 2012 ба маблағи 1 млрд.347 млн. сомонӣ маҳсулоти саноатӣ истеҳсол карда шудааст. Дар назар аст, ки дар давоми соли ҷорӣ боз 108 корхонаи хурду бузурги санатӣ бунёд гардад. Айни замон дар корхонаҳои саноатии вилоят беш аз 60 ҳазор коргарон ба кори доимӣ фаро гирифта шудаанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






