Ба кормандони милитсия шароити корӣ фароҳам омад

Душанбе, 30 июл. (АМИТ «Ховар», Мавҷуда Анварӣ). – Дар ноҳияи Синои пойтахт бинои Шӯъбаи хадамоти давлатии «Муҳофиза»-и ШВКД бо тамоми шароитҳои замонавӣ тармим шуда, мавриди истифода қарор гирифт. Дар ин бора аз Вазорати корҳои дохила ба АМИТ «Ховар хабар доданд. Тибқи иттилои манбаъ, бино аз 10 утоқи корӣ иборат буда, бо беҳтарин шароитҳои муосир, аз қабили компютеру телевизор, мизу курсӣ ва дастгоҳҳои мухобиравӣ барои кормандони ин бахш таъмин карда шудааст.