Барқияи табрикотии Президенти Ветнам
Душанбе, 13 июл. (АМИТ «Ховар»). – Имрӯз Президенти Ҷумҳурии Сотсиалистии Ветнам Чионг Том Шанг ба Президенти Ҷумҳурии Тоҷикистон Эмомалӣ Раҳмон барқияи табрикотӣ ирсол намуд, ки дар он аз ҷумла гуфта шудааст:Ба муносибати 20 – солагии истиқрори муносибатҳои дипломатӣ байни Ҷумҳурии Сотсиалистии Ветнам ва Ҷумҳурии Тоҷикистон аз номи давлат, мардуми Ветнам ва шахсан худам ба Шумо Ҷаноби Олӣ ва халқи тоҷик табрикоти самимии худро ирсол менамоям.Боиси хушҳолист, ки дар ин муддат Ҷумҳурии Тоҷикистон ба комёбиҳои бузург дар корҳои эъмору рушди кишвар, беҳбудии сатҳи зиндагии мардум ва мунтазам баланд нигоҳ доштани мавқеияти давлати хеш дар минтақа ва тамоми ҷаҳон ноил гардид. Ман бовар дорам, ки муносибатҳои дӯстона ва ҳамкориҳои мутақобилан судманди байни Ветнаму Тоҷикистон, ки дар 20 соли охир таҳким ёфтаанд, дар оянда низ дар мутобиқат бо манфиатҳои мардуми кишварҳои мо рушд меёбанд.Ба Ҷумҳурии Тоҷикистон гулгулшукуфоӣ ва ба мардуми тоҷик комёбиҳоро таманно дорам. Ба Шумо, Ҷаноби Президент, сиҳативу саломатӣ ва комёбиҳои навинро дар мақоми олидараҷаатон орзу дорам.Дар ин бора ба АМИТ «Ховар» аз хадамоти иттилоотии Президенти ҶТ хабар доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






