Баргузории ярмаркаи фурӯши маҳсулоти мактабӣ

Июль 31, 2012 14:30

Душанбе, 31 июл. (АМИТ «Ховар», Дилшодаи Хайруллоҳ). — 1 августи соли ҷорӣ бо ибтикори Вазорати энергетика ва саноати Ҷумҳурии Тоҷикистон кушоиши ярмаркаи фурӯши маҳсулоти мактабии истеҳсолкунандагони ватанӣ баргузор мегардад. Дар ярмарка — намоишгоҳ маҳсулоти истеҳсоли корхонаҳои ватанӣ барои мактаббачагон дар маъраз ва ҳамчунин барои фурӯш гузошта мешавад. Дар назар аст, ки дар он корхонаҳои зерини шаҳри Душанбе бо пешниҳоди маҳсулоти худ иштирок меварзанд: ҶММ «Ёқут-2000» — шиму костюм, куртаҳои писарона, куртаҳои духтарона, курткаҳо, сарафанҳо, сумкаҳои мактабӣ ва галстукҳои гуногуни бачагона, ҶСП «Гулистон» — куртаҳои пахтагин, ҳамчунин либосҳои гуногуни бачагона ва духтарона, ҶММ «ИИ Нассоҷии Тоҷик» — либосҳои гуногуни мактабӣ, ҶММ «Пойафзоли чармӣ» — пойафзолҳо барои мактаббачагон.Мавриди зикр аст, ки бо мақсади ҷалби бештари шаҳрвандон ба ярмарка, ҳамчунин фурӯши молҳои конселярӣ, китобҳои мактабӣ ва дафтару лавозимоти дигар барои мактаббачагон бо ҷалби нашриёт, ҳамчунин мағозаҳои китобфурӯшӣ ташкил карда мешавад.Ярмаркаи мазкур ҳамарӯза аз соати 8-00 то 17 — 00 идома меёбад.Суроға: Маркази савдои ҶММ «Ёқут — 2000», воқеъ дар шаҳри Душанбе, кӯчаи Валаматзода — 52. Дар ин бора аз котиботи Вазорати энергетика ва саноат ба АМИТ «Ховар» иттилоъ доданд.

Июль 31, 2012 14:30

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд