Баррасии 517 парвандаи экологӣ
Душанбе, 30 июл. (АМИТ, «Ховар», Лаззат Диловарзод).- Кумитаи ҳифзи муҳити зист ва идораҳои зертобеи он дар 6 моҳи аввали соли 2012 дар асоси санад ва меъёрҳои ҳуқуқии соҳавӣ 11 ҳазору 450 санҷиши комплексӣ, соҳавӣ ва фаврӣ гузаронидааст,-иброз доштанд дар маркази матбуот ва иттилооти кумита ба мухбири АМИТ «Ховар». Дар асоси санҷиш муайян шуд, ки садҳо субъектҳои хоҷагидор ба қонуншиканӣ ва вайрон кардани меъёрҳои ҳуқуқӣ-экологӣ «Дар бораи муайян намудани мақомоти ваколатдори давлатӣ дар соҳаи ҳифзи муҳити зист», «Дар бораи тартиби ошкор кардан ва ба ҳисоб гирифтани партовҳои бесоҳиб», «Дар бораи муайян намудани мақомоти ваколатдори давлатӣ дар самти ташкил ва гузаронидани мониторинги экологӣ» роҳ доданд. Дар натиҷаи санҷиш ба субъектҳои фаъолияти хоҷагидор барои риоя накардани талаботи қонунгузорӣ 18 ҳазору 708 пешниҳоди иҷрояшон ҳатмӣ дода шуд, ки то имрӯз 12 ҳазору 870-тои он иҷро гардидааст. Барои риоя накардани қонунгузориҳо дар соҳаи ҳифзи муҳити зист ва меъёрҳои экологӣ 517 парвандаи мурофиавӣ ба маблағи 1 млн. 974,9 ҳазор сомонӣ ба мақомоти ҳифзи ҳуқуқ, аз ҷумла 1 парвандаи мурофиавӣ ба маблағи 631 ҳазор сомонӣ ба Суди иқтисодӣ, 40 парванда ба прокуратура ва 506 парвандаи ҳуқуқвайронкунии маъмурӣ ба суд интиқол дода шуда, фаъолияти 37 субъектҳои хоҷагидор муваққатан қатъ карда шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






