Баррасии масоили энергетикӣ дар Душанбе

Душанбе, 19 июл. (АМИТ «Ховар», Дилшодаи Хайруллоҳ). – 20 – уми июли соли 2012 дар Кохи Ваҳдати шаҳри Душанбе бо ибтикори Вазорати энергетика ва саноати Ҷумҳурии Тоҷикистон дар якҷоягӣ бо Котиботи Паймони Нерӯ баргузории 8 – умин ҷаласаи гурӯҳи корӣ вобаста ба ҳамкориҳои минтақавӣ ва энергетикии кишварҳои Осиёи Миёна ва Ҷанубии кишварҳои аъзои Паймони Нерӯ дар назар аст.Тибқи Барномаи баргузории ин чорабинӣ имрӯз дар Вазорати энергетика ва саноати Ҷумҳурии Тоҷикистон мулоқоти вазири энергетика ва саноати Ҷумҳурии Тоҷикистон Гул Шералӣ бо ҳайати намояндагони Паймони Нерӯ бо роҳбари кулл Урбан Руснак баргузор гардид. Дар вохӯрӣ масъалаҳои ҳамкориҳо дар соҳаи энергетика мавриди баррасӣ қарор дода шуданд.Дар ин бора аз котиботи Вазорати энергетика ва саноати Ҷумҳурии Тоҷикистон иттилоъ доданд.