Баста шудани роҳ ба ронандагон мушкилот пеш намеорад

Июль 3, 2012 16:12

Душанбе, 3 июл.(АМИТ «Ховар», Марзия Саидова).- Шурўъ аз 1 июл то 28 октябри соли равон ҳаракати нақлиёт дар роҳи автомобилгарди кўчаи Самад Ғанӣ (аз буриши хиёбони Рўдакӣ то дарвозаи Боғи Ирам) ва кўчаи Бохтар (аз назди бинои «Душанбе Плаза» то буриши кўчаи Шотемур) қатъ карда мешавад, ки сабабаш гузаронидани корҳои сохтмону азнавсозии роҳҳои автомобилгард дар кўчаҳои зикршуда аст. Дар робита ба ин раиси шаҳри Душанбе Маҳмадсаид Убайдуллоев қарори марбута ба тасвиб расонд, ки тибқи он барои таъмини бехатарии ҳаракати нақлиёт дар кўчаҳои С. Ғанӣ ва Бохтар чораҳо андешида мешаванд. Дар асоси ин қарор Раёсати корҳои дохилии шаҳри Душанбе муваззаф шудааст, ки барои таъмини ҳаракати нақлиёт дар кўчаҳои ҳамшафат боназардошти гузоштани аломатҳои роҳ ва таъмини ҳаракати шаҳрвандон тадбирҳои зарурӣ андешад. Дар ин ҳол Зиёратшо Хушов, муовини сардори шўъбаи бозрасии давлатии автомобилии шаҳри Душанбе дар сўҳбат ба хабарнигори АМИТ «Ховар» гуфт, ки баста шудани роҳ дар кўчаҳои С. Ғанӣ ва Бохтар ба ҳаракати воситаҳои нақлиёти ҷамъиятӣ мушкилот ба бор намеорад, зеро дар ин кўчаҳо хатсайри ҳаракати воситаҳои нақлиёти ҷамъиятӣ вуҷуд надорад. Мавриди зикр аст, ки фармоишгари корҳои сохтмониву азнавсозии роҳҳо дар кўчаҳои зикршуда Муассисаи давлатии «Раёсати сохтмон, азнавсозӣ ва таъмири асосию ҷории роҳҳою кўпрукҳои ҳудуди марзию маъмурии шаҳри Душанбе» аст.

Июль 3, 2012 16:12

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд