Дарёфти бангдона аз сокини пойтахт

Душанбе, 20 июл. (АМИТ «Ховар», Мавҷуда Анварӣ). — Зимни гузаронидани чораҳои фаврию ҷустуҷӯӣ аз ҷониби кормандони мақомоти Вазорати корҳои дохилӣ дар ноҳияи Сино-1 Абдуллоев Пайрав Валиевичи 33 сола, сокини ноҳияи Восеъ, бо гумони ғайриқонунӣ нигоҳ доштани маводи нашъадор дастгир шуд, ки ҳангоми кофтуков аз борхалтаи ӯ 3 килою 66 грамм маводи нашъадори бангдона дарёфт ва мусодира карда шуд. Инчунин шаҳрванд Маҳмадрақибов Насим Сироҷиддинович, соли таваллудаш 1984, сокини пойтахт дастгир шуд, ки ҳангоми кофтукови хонаи ӯ 306 грамм маводи нашъадори бангдона дарёфт ва мусодира шуд. Аз рӯи ин ҳодисаҳо парвандаи ҷиноӣ оғоз гардида тафтиш идома дорад. Дар нимсолаи аввали соли 2012 аз гардиши ғайриқонунӣ 1 тоннаву 907 киллою 160 грамм маводи нашъаовар мусодира гардидааст. Аз ин миқдор зиёда аз 56,4%-и онро мақомоти ҳифзи ҳуқуқ ва сохторҳои қудратӣ мусодира намудаанд.