«Дурахшандагон» ба хориҷи кишвар мераванд
Душанбе, 6 июл.(АМИТ «Ховар», Марзия Саидова).-40 нафар барандагони стипендияи байналмилалии Президенти Ҷумҳурии Тоҷикистон таҳти унвони «Дурахшандагон» дар сурати бомуваффақият гузаштан аз озмун ба Донишгоҳҳои кишварҳои хориҷӣ барои таҳсил фиристонида мешаванд. Дар ин хусус ба хабарнигори АМИТ «Ховар», Абдусаттор Одинаев, мудири бахши рушди таҳсилоти байналмилалии Вазорати маорифи ҷумҳурӣ иттилоъ дод.Мавсуф гуфт, ки озмун рўзҳои 10-11 июли соли равон дар пойтахт баргузор гардида, харҷи роҳкиро, иқомат, хўрок, таҳсил ва суғуртаи тиббӣ ба ҳар як донишҷў аз ҳисоби стипендияи мазкур пардохт карда мешавад. Алҳол тавассути стипендияи байналмилалии Президенти Ҷумҳурии Тоҷикистон «Дурахшандагон» 250 нафар донишҷўёни тоҷик дар Донишгоҳҳои кишварҳои хориҷӣ, назири Русия, Малайзия, Украина, Беларус ва Қазоқистон ба таҳсил фаро гирифта шудаанд. Стипендияи мазкур моҳи июни соли 2009 бо иқдоми Сарвари давлат созмон дода шуда, ҳадафаш дастгирии толибилмони боистеъдоду хушсалиқа ва дорои ҷаҳонбинии васеи кишвар аст.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
