Имону инсофро фаромўш насозед!

Июль 26, 2012 14:21

Душанбе, 26 июл.(АМИТ “Ховар”, Марзия Саидова).-Дар зарфи моҳи мубораки Рамазон –аз 19 июл то 20 августи соли равон нархи 12 намуд маҳсулоти хўрокӣ дар бозорҳои пойтахт, новобаста аз шакл ва тобеияти идоравӣ ба таври зайл ба роҳ монда мешавад: як кг гўшти гов- 29 сомонӣ, гўшти говмеш- 19 сомонӣ, гўшти гўсфанд- 30 сомонӣ, як халта орди навъи «Шамалған»-и истеҳсоли Қазоқистон то 110 сомонӣ, 1 литр равғани растанӣ то 8 сомонӣ, як кг биринҷи ватанӣ то 7 сомонӣ, як кг шакар то 5 сомонӣ, 1 литр шир то 3 сомонӣ, як кг картошка то 2 сомонӣ, як кг сабзӣ то 2 сомонию 20 дирам, як кг пиёз то 1 сомонию 10 дирам ва нархи 1 дона тухм то 60 дирам муқаррар карда шудааст. Ин тадбир дар асоси қарори раиси шаҳри Душанбе “Дар бораи таъмини тадбирҳои амалии пешгирии болоравии нархи маҳсулоти ниёзи аввалия дар моҳи шарифи Рамазон дар шаҳри Душанбе” роҳандозӣ гардидааст. Аз ин рў соҳибкорону тоҷирон ва роҳбарони бозорҳои шаҳр вазифадоранд, ки фурўши маҳсулоти мазкур аз рўи нархҳои муаяйншуда ба роҳ монда, имону инсофро фаромўш насозанд.   Аз ин рў шаҳрдории Душанбе ҷиҳати риояи ин муқаррарот аз сокинони пойтахт ҳоҳиш менамояд, ки зимни мушоҳидаи вайронкунии талаботи ин санад аз ҷониби дилхоҳ соҳибкор бо муайян намудани макони бозорҳои хизматрасон ба унвонии Комиссияҳои доимии ҷамъиятӣ ё худ тавассути почтаи электронии раиси шаҳри Душанбе — dushanbe80@yahoo.com муроҷиат намоянд.

Июль 26, 2012 14:21

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд