Корхонаи коркарди зардолу фаъол гардид

Ашт, 26 июл. (АМИТ «Ховар», Мирзалӣ Амонов).- Дар ноҳияи Ашт корхонаи коркарду бандубасти меваи хушк фаъол гардид.Ин корхонаи коркарди меваи хушк аз ҷониби соҳибкорони ватанӣ бунёд гардида, мансуби Ассотсиатсияи хоҷагиҳои деҳқонию фермерии «Зардолупарварони Ашт» мебошад.Корхона бо хатти технологии сохти «Туркия-Коралп» муҷаҳҳаз аст ва иқтидори дар 7-8 соат то 2-2,5 тонна меваи хушкро коркард, сараву яккачин намудан ва ин миқдор меваи хушкро дар қуттиҳо ҷой карданро дорад.Дар ин коргоҳ барои коркарду бандубасти 1 кг меваи хушк бе ҳисоби қуттӣ 71 дирам масраф мешавад. Аммо баъди коркарду банду баст нархи меваи хушки зардолу дар бозори берунӣ якчанд маротиба меафзояд, ки ин даромади иловагӣ аз зардолупарварӣ барои ноҳия мебошад.