Корманди милитсияро бо корд зада маҷрӯҳ карданд

Душанбе, 13 июля. (НИАТ «Ховар», Лутфия Эшонкулова).-Ду нафар сокинони шаҳри Кӯлоб 11 июли соли ҷорӣ корманди милитсияро бо корд зада, маҷрӯҳ карданд.Тавре сомонаи расмии ВКД ҶТ хабар медиҳад, Ғолибшо Азимови 20-сола ва Умед Исмоилови 19-сола дар ошёнаи 2-юми мағозаи «Гулхон», воқеъ дар маҳаллаи Ш.Шоҳини шаҳри Кӯлоб аз ҳиссиёти авбошӣ тартиботи ҷамъиятиро вайрон намуда, лейтенанти милитсия Мустафо Холиқов, соли таваллудаш 1992, сокини к.Рӯдакии шаҳри Кӯлобро лату кӯб мекунанд. Сипас, Ғ. Азимов бо корди дар дасташ буда 2 маротиба ба китфи чапи Холиқов задааст. Дар натиҷа ӯ ҷароҳати вазнини ҷисмонӣ бардошта, дар беморхона бистарӣ гаштааст. Аз ҷониби кормандони милитсия Ғ.Азимов дастгир шуда, барои дастгир кардани У.Исмоилов чораҳои фаврӣ-ҷустуҷӯӣ гузаронида мешавад.