Кўмак ба оилаҳои ниёзманд дар моҳи муборак
Душанбе, 31 июл.(АМИТ “Ховар”, Марзия Саидова).-Шаҳрдории Душанбе тасмим гирифтааст, ки дар моҳи шарифи Рамазон ба оилаҳои камбизоату ниёзманди пойтахт кўмаки якдафаъинаи маводи ғизоиро расонад. Дар робита ба ин раиси шаҳри Душанбе Маҳмадсаид Убайдуллоев дар ҷараёни ҷаласаи шаҳрдорӣ ба масъулин дастур дод, ки аз ҳисоби шаҳрдорӣ ва бозорҳои дар пойтахт фаъолияткунанда ба оилаҳои ниёзманд бо ташкили сабади маводи хўрока, ки 12 намуди маҳсулоти ниёзи аввалро фарогир аст, дар моҳи шарифи Рамазон кўмаки якдафъаина ироа созанд. Шавкат Саидов, котиби матбуотии раиси шаҳри Душанбе мегўяд: кўмак дар асоси рўйхате, ки аз ҷониби шўъбаҳои ҳифзи иҷтимоии ноҳияҳои пойтахт пешниҳод мегарданд, ба оилаҳои ниёзманд дастрас карда мешаванд. Кўмакҳои якдафъаина иборат аз орду шакар, биринҷ, равған, гўшт, тухм ва соири маводи хўрокворист. Мавриди зикр аст, ки моҳи шарифи Рамазон моҳи хайру савоб ва некию накўкорист. Дасти ёрӣ дароз намудан ба табақаҳои камбизоати аҳолӣ, маъюбону барҷомондагон ва дигар қишрҳои осебпазири ҷомеа рисолати ҳар фарди мусулмон дар моҳи Рамазон маҳсуб меёбад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






