Лоиҳаҳо аз 20 манбаъ маблағгузорӣ мешаванд
Душанбе, 24 июл. (АМИТ «Ховар», Лаззат Диловарзод).- Имрӯз дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҷиҳати иҷрои Амри Президенти ҶТ нишасти матбуотӣ оид ба фаъолияти кумитаи мазкур дар нимсолаи аввали соли 2012 доир гардид.Дар нишаст аз ҷониби роҳбарияти кумита маълумоти мушаххас оид ба ҷараёни беҳгардонии фазои сармоягузорӣ, дастгирии ҳамаҷонибаи соҳибкорӣ ва идораи самараноки амволи давлатӣ пешниҳод карда шуд. Маълум гардид, ки то ҳолати 1-уми июли соли 2012 маҷмӯи лоиҳаҳои сармоягузории амалкунандаи Ҳукумати ҶТ аз 60 лоиҳаи сармоягузории давлатӣ иборат буда, маблағи умумии онҳо 1 млрд. 934 млн. доллари ИМА ё зиёда аз 9,2 млрд. сомониро ташкил медиҳад. Лоиҳаҳои амалишаванда аз 20 манбаъ маблағгузорӣ шуда, 12 соҳаи гуногуни иқтисодиётро дар бар мегиранд.Ба гуфти муовини аввали Кумитаи давлатии сармоягузорӣ ва идораи амволи давлатӣ Анвар Наҷмиддинов маблағгузорони асосии лоиҳаҳои сармоягузории татбиқшаванда Ҳукумати Тоҷикистон, Бонки Рушди Осиё, Бонки Ҷаҳонӣ, Бонки Исломии Рушд, Ҷумҳурии Мардумии Чин ва дигар кишвару созмонҳои маблағгузор мебошанд. Дар доираи маҷмӯи лоиҳаҳои сармоягузорӣ дар давоми шаш моҳи аввали соли 2012 азхудкунии маблағҳо 76, 6 млн. доллари ИМА-ро ташкил додааст, ки ин ба 120, 6 фоизи нақшаи нимсола баробар мебошад. Зикр шуд, ки дар натиҷаи андешидани тадбирҳои зарурӣ воридоти сармоягузории мустақим ба ҷумҳурӣ афзоиш ёфтааст. Аз ҳисоби хусусигардонии моликияти давлатӣ дар нимсолаи аввал ба буҷаи ҷумҳурӣ 15,5 млн. сомонӣ ворид гардидааст. Барои рушди соҳибкории хурду миёна аз ҷониби бонкҳо ва ташкилоти маблағгузории хурд зиёда аз 3 млрд.706 млн. сомонӣ маблағҳои қарзӣ дода шудааст,- иброз дошт А. Наҷмиддинов дар ҷавоб ба саволи хабарнигоре, ки ба соҳибкорӣ таваҷҷӯҳи бештар дошт.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






