Мактаб барои 1200 хонанда сохта мешавад

Хоруғ, 13 июл. (АМИТ «Ховар», Л.Додо ). – Вазири маорифи кишвар Нуриддин Саидов сафари якрӯза дар Бадахшон бо ҷараёни сохтмони интернати давлатии ноҳияи Рӯшон, бинои нотамоми мактаби рақами 11 ҷамоати Поршнев шинос гардид. Бинои мактаб – интернат комилан ба қабули толибилмон омода аст ва то нимаи дуввуми моҳи август баъзе корҳои ҷузъӣ ва ободонӣ дар гирду атрофи он ба поён мерасад.Сохтмони бинои нотамоми мактаби рақами 11 ҷамоати деҳоти Поршнев қаблан барои 1200 нафар талаба пешбинӣ шуда буд. Вазири маориф изҳор дошт, ки мувофиқи як тарҳи муштараки давлатии Тоҷикистон ва Бонки исломии рушд сохтмони бино аз соли оянда шурӯъ мегардад. Ба гуфти вазири маориф ин бино барои 1200 нафар хонанда сохта шуда, таҷҳизоти навтарини таълимӣ мегардад. Ба хотири амалӣ кардани тарҳи мазкур севуним миллион доллар ҷудо шудааст.