Марҳабо Олимпиадаи Лондон- 2012

Июль 17, 2012 15:17

Душанбе, 17 июл. (АМИТ “Ховар”, Аловиддин Бӯриев).-Гурӯҳи варзишгарони тоҷик, ки шарафи Тоҷикистонро дар Бозиҳои ХХХ-юми Олимпии Лондон аз 27-июл то 12 август ҳимоя мекунанд, субҳи имрӯз ба пояи ҳайкали Исмоили Сомонӣ гулчанбар гузоштанд.Баъд аз он дар толори Китобхонаи миллии Тоҷикистон нишасти матбуотӣ баргузор шуд.
 
Маликшоҳ Неъматов, раиси Кумитаи ҷавонон, варзиш ва сайёҳии Тоҷикистон, ноиби аввали раиси Кумитаи миллии олимпии кишвар дар бораи тайёрии варзишгарони тоҷик ба Бозиҳои ХХХ тобистонаи олимпӣ ҳарф зада, иттилоъ дод, ки “Тоҷикистон аз ҳар як варзишгари дар ин бозиҳо ширкаткунанда дастоварди беҳтаринро интизор аст. Аз ҳама муҳим варзишгарони мо бояд нисбат ба Бозиҳои олимпиадаи Пекин зиёдтар медал ба даст оранд. 13- роҳхате, ки бо заҳмати дучанди варзишгарони мо ба даст омадааст, моро дилпур мекунад, ки аз онҳо медалҳои олимпиро интизор шавем”   Дар маҷмӯъ 16 нафар варзишгарони тоҷикистонӣ дар 7 намуди варзиш ҳунарнамоӣ мекунанд. Дар риштаи бокс Анвар Юнусов, Собирҷон Назаров, Мавзуна Чориева ва Ҷаҳон Қурбонов, дар гӯштии тарзи озод Николай Ноев, Зелимхон Юсупов, Искандари Рустам ва Юсуф Абдусаломов, дар таэквондо Алишер Гулов ва Фарҳод Неъматов, дар варзиши сабук Дилшод Назаров ва Владислава Овчаренко, дар дзю-до Расул Боқиев ва Парвиз Собиров, дар шиноварӣ Катерина Измаилова ва дар тирпаронӣ Сергей Бабиков.
Расми кушоиши бозиҳо 27 июл пешбинӣ шудааст.

Июль 17, 2012 15:17

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд