Миқдори никоҳ дар ҷумҳурӣ зиёд шуд

Душанбе, 24 июл. (АМИТ «Ховар», Меҳрубон Сатторова). Дирӯз зимни нишасти матбуотии Кумитаи кор бо занон ва оилаи назди Ҳукумати ҷумҳурии Тоҷикистон раиси кумита Сумангул Тоғоева оид ба фаъолияти кормандони Кумита дар нимсолаи аввали соли 2012 маълумот дод.Аз ҷумла зикр кард, ки дар айни ҳол шумораи занон дар мансабҳои гуногуни давлатӣ ба 4493 нафар расидааст, ки нисбат ба шаш моҳи соли гузашта 120 нафар зиёд мебошад.Инчунин раиси Кумитаи кор бо занон аз зиёдшавии миқдори талоқ дар ҷумҳурӣ изҳори нигаронӣ кард. Мувофиқи маълумоти Раёсати сабти асноди ҳолати шаҳрвандии Вазорати адлияи Ҷумҳурии Тоҷикистон миқдори талоқ дар ҷумҳурӣ ба 4026 расидааст, ки ин нисбат ба ҳамин давраи соли 2011 578 адад зиёд аст. Қайди никоҳ дар миқёси ҷумҳурӣ дар шаш моҳи соли 2012 ба 42180 нафар расидааст, ки нисбат ба шаш моҳи соли 2011 936 нафар зиёд мебошад.