Мулоқоти Гул Шералӣ бо К. Миллер

Душанбе, 28 июл. (АМИТ «Ховар», Афшини Муқим).-Нимаи дуюми рӯзи 27- уми июл Вазири энергктика ва саноати Ҷумҳурии Тоҷикистон Гул Шералӣ бо роҳбари Корпаратсияи байналмилалии молиявӣ Кристофер Миллер мулоқот анҷом дод. Дар мулоқот масъалаҳои ҷалби сармоягузориҳои хусусӣ барои сохтмони нерӯгоҳҳои барқи обии миёна, нерӯгоҳҳои офтобӣ ва шамолӣ, дастгирии молиявии Корпаратсияи байналмилалии молиявӣ вобаста ба таъминоти сӯзишвории мазутӣ ба шабакаҳои барқии гармидиҳӣ дар фаслҳои тирамоҳу зимистон ва дигар мушкилоти вобаста ба рушди соҳаҳои энергетика ва саноат мавриди баррасӣ қарор гирифт. Ҷонибҳои аз натиҷаҳои вохӯрӣ изҳори қаноатмандӣ намуда, иброз доштанд, ки густариши ҳамкорӣ дар бахшҳои марбутаи соҳа ба манфиати ҳар ду ҷониб аст. Дар ин бора ба мухбири АМИТ «Ховар» аз Вазорати энергетика ва саноати Ҷумҳурии Тоҷикистон хабар доданд.